בס”ד
PARASHA: VAYIKRA
BIRKAT ILANOT
QBirkat ilanot hi ipi ham?
Donbutna: ihetsama bang uvin nissan lhasungse’in birkat ilanot akisei jie ajeh chu H-shem in thina louna ho athah beh’a ahin kedohsah jal in thangvahna thu akisei’e a baracha chu siddur ho’a jong aum’e. chuleh asei phat tieng phate cha kavanah neitah aseiding ahi ajeh chu hiche birkat ilanot hin lhagao thingphung’a tangden hochu alhep peh thei’e. chuleh birkat ilanot hi isei ding tieng mi 10(minyan) ahi leh ahoidehset’e ajeh chu alhagao atangdente jal’a kaddish seiding chu thilpha ahi. Chuleh birkat ilanot hi thingphung 2 chung’a akisei jie, thingphung chu theiga akinethei ho ahingai’e, iham tia hetkhel jeh’a athingphung akinethei lou’a asei khah ahileh akhohna aum dehpoi athah seingai poi. Aseiding phat tieng athingphung pah chu avet masat ding ahi aban baracha chu asei ding ahi. Chuleh numei hon jong asei diu ahi.
Shabbth nikho leh birkat ilanot hi kisei thei ham?
Donbutna: ihetsama bang uvin shabbth nikho ajong seimo ahipoi, adeh’a rosh khodesh nissan leh shabbth akito ale shabbth nikho’a seiding chu ahoideh set’e, chuleh mipi tam napen jong shabbth nikho ahin hijeh achu shabbth nikho’a seiding chu ahoie.
SOURCE: ע”פי פסקי מרן הרב עובדיה יוסף זצ”ל*