בס”ד
PARASHA: NASSO
Jaan lhah Omer 45
SHAVOUTH
Kut kipat masang’a itabang’a kigut ding ham chuleh ipi jeh ham?
Donbutna: Ihetsama bang uvin khakhamim ten yomtov nikho’a mei athah beh’a det ding chu aphal pove hinlah erev yomtov nikho’a kon ana det ahileh phal ahi tin asei uve. Hijeh achu erev yomtov nikho leh ahithei ale 24hours thaomei vah khat akoi masat ding ahi, chutileh yomtov nikho’a mei ajah’a ann ho ahun thei ding ahi.
Hetding khat chu meikhet jaang’a mei nalah chu najah jouphat leh semmit louding munkhat’a koi’a ama leh ama thisah ding ahi.
Chuleh tuchung shavouth hi yom shishi nikho’a akipat jeh-in erev phat leh eruv tavshilin koi heimil louding ahi, chuti leh yomtov nikho’a sahbbth ann ding hojong hun thei hiding ahi.
Khag shavouth- thaomei chu itih phat leh vahding ham, aban shehekhiyanu chu itih phat leh seiding ham?
Donbutna: Ihetsama bang uvin numei hochu erev shabbth nikho’a thaomei avah bang uvin kuit nikho thaomei jong chu aphat toh kitoh’a adet ding chu ahoi’e, akhen khat chondaan in kiddush kon tieng avah jong aum uve.
Numei hochu thaomei avah phat uleh “shehekhiyanu” chu aseilou ding ahi ajeh chu kiddush phat leh kisei thou ding ahi, hinlah ahetlou jeh’a ana seikhah tah ahileh kiddush’a shehekhiyanu akisei phat leh “amen” tia adonbut louding ahi.
עפ”י פסקי מרן הרב עובדיה יוסף זצ”ל