בס”ד
PARASHA: BEHA’ALOTKHA
Nikho kipat akon iti kiman chah leng ahoidem?
Donbutna: Ihetsama bang uvin nikho hi jingkah’a tin akipan in hijeh achu ahithei ale jingkah leh H-shem thangvah na’akon nikho pachu patding ahi. chuleh alunggel ajong H-shem aloupi nale akhoto naho jal’a ilhagao’u ei thah peh’u hojong agel ding ahi. chuleh akal son masat pen jong chu H-shem kin’a ason hihen, hima bang chun athu pat najong chu H-shem thangvahna thu hihen, aban athil boljouse jong chu H-shem lang bou hihen apat nalang H-shem kin bol ahoi ale achai nalang jong H-shem kin bou hiding ahi.
Aphat seh leh H-shem kin iti katoh ding ham?
Donbutna: Ihetsama bang uvin Maran sulkhan arukh(siman 231) in hitin asei’e: “Mihem in hilai leiset’a nopsah na anei ding ahi kiti chu ama nopsah nading ahipon, H-shem kin bol joh chu ahi” hiti akiseima bang in “Nalam jouse in ama chu he’in”(mislei 3:6) hilai akon chun khakhamim ten hitin asei uve “nathil bol jouse chu leshem shamaiyim hihen” tin eihil uve. Chuleh aseibe nauchun mihem in achipi jing ann neh, twidon, lamjot, tou, din, kisil, etc… hitabang hojong chu mihem jouse in aneisoh kei ahin hitabang hochu H-shem kin’a man soh gutding ahi tin eihilbe uve. Hima bang chun mikhat chu agil kiel’a ann aneh gut tah jong leh atahsa ngaichat jeh’a aneh gut hita jongleh hich e kathil neh hi H-shem kin kabol thei nading’a kaneh ding ahi tia agelding ahi.
A klal chu mikhat in phate cha’a athil bol ding chu agel’a H-shem kin’a kabol thei ding ham kabol theilou ding ham tia agel ding H-shem kin ahithei ding ahileh abol ding ahi theilou ding ahileh abollou ding ahi, hitabang’a abol jing khat chun H-shem kin adih dol’a abol
עפ”י פסקי מרן הרב עובדיה יוסף זצ”ל