בס”ד
PARASHA: SHELAKH LEKHA
Chapang akisuh theng theilou hon barakha asei phal diu ham?
Donbutna: Ihetsama bang uvin chapang chu kum 6 ahi’a kon halakha dungjui’a kisuh theng ding dan hil pan ding ahitai. Chapang khat ahiding bang’a thenglou khat chun barakha asei mopoi asei thei’e, hima bang chun akom’a lekha jong simphal ahin aban barakha jong seiphal ahi, hinlah aman barakha asei chu “Amen” tia donbut louding ahi.
Chuleh chapang ama leh ama toilet’a chi kisutheng theilou hojong chun abarakha sei uchu “Amen” tia donbut louding ahi.
Limud laitah’a toilet chinom ahileh akitim thei dem?
Donbutna: Ihetsama bang uvin mikhat a limud laitah’a toilet chinom nabang anei ahileh kaki tim jouding/ kaki tim joulou ding tia safek anei jongleh minutes 72 akitim jouding’a akigel ahileh a limud chu asim chai ding aban toilet chu chiding ahi. hinlah hichan chu akitim joulou ding ahileh toilet joh chu direct’a chiding ahi.
Hinlah a limud chu apot’a ahung kile’a asim thah’a hah asah ding ham, ahilou ale ama chun mipi siur apeh lai tah’a toilet chinom aga chi’a mipi tam tah chu mohseh’a ana tou diu jeh ham ahileh alimud/ahil ding chu akibol chai masat ding aban toilet chu chiding ahi.
עפ”י פסקי מרן הרב עובדיה יוסף זצ”ל