בס”ד
PARASHA: SHELAKH LEKHA
Mitzvah khat chu ipi jeh’a postpone ding phal ham?
Donbutna: Ihetsama bang uvin Torah(vayikra 18: 5) hitin akijit’e: “Kathupeh leh ka daan ho najui uva ahileh mihem in ahinpi ding ahi kei H-shem kahi” tin akijit’e hilai kon chun khazal ten asei uvin meshekhet yoma 85b: “ahinpi ding” tin akisei in “athipi ding” tin akiseipoi. Hichu I Torah sung’a mitzvot hohi hinpi ding akiti in hijeh chun mikhat in athilbol gut chu danger theiding ahileh Torah akon thupeh hijongleh bollou ding ahi tin eihill uve. Hima bang chun shabbth nikho’a mikhat bangchu adamo ahileh adam nading theichan’a damsah ding khilul shabbth bol ding hijongleh boljing ding ahi, khazal ten hiti aseima bang in “pikuah nefesh dokhe shabbth”.
Itabang tieng kathil vet chun thil khat asuset thei ham, chuleh ipi ding’a kiven ngai ham?
Donbutna: Ihetsama bang uvin “naloipa thilbol chu nachuti vet jeh’a jachat na anei ahileh, hitabang chun atahsa nasuh genthei ahin, hiti navet dingchu phal ahipoi”(Ramban meshekhet bava batra 59). Hilai kon jildoh ding chu nakhosung’a ambulance hunglehi naonei ding numei ahinpoh/adamlou ahinpoh ahileh hitabang’a nang in navet ahileh nathil vet akon chun asuse thei aum’e. ajeh chu naonei dingnu/adamlou techu nang in hiti navet jeh’a chu jahcha thei ahi, hijeh achu ahithei ale hitabang ho’a kikoi kang ding chu mitzvah jong ahi.
עפ”י פסקי מרן הרב עובדיה יוסף זצ”ל