בס”ד
PARASHA: SHELAKH LEKHA
Nule pa jaa ding tia mitzvah sung’a apoimo pen chu ipi ham?
Donbutna: Ihetsama bang uvin Torah’a “H-shem in athupeh bang in nanu le napa jaa in chuti leh nahinkho saoding ahi”(devarim 27:16) hiti chun akijit’e.
Hiche pasuk akon chun yehudi jouse in nule pa jaa ding chung chang’a mitvah 5 eihil doh uve hichu:
- Jaa ding.
- Kichat ding.
- Voh louding.
- Gaosap louding.
- Muneo louding. (mitlhep louding, nalungsung’a akon jong hilou ding).
Rambam(hilkhot memarim perekh 6) a hitin asei’e: “nule pa jaa ding mitvah in phate cha in jui kigu hen ajeh chu hitabang mitzvah hi loupi tah ahi, ajeh chu amaho chu P-then tabang ahi tauve. H-shem in neijaa diu ahi nei kichat diu ahi ati mabang in minu leh mipa jong hilai leiset’a P-then tabang ahitan jaa ding kichat ding ahi”. tin eihil uve.
Koi tabang hochu nule pa jaa ding mitzvah in ahop am?
Donbutna: Ihetsama bang uvin mijouse in nule pa jaa ding chu ahop soh kei’e chapang hihen, ahen hihen, ajinei hihen ajinei lou hihen, ajiten chuleh achaten jong ahopsoh ahi, akhen khat chun hitabang mitzvah hi chapang ho bou ahi tia agel uvin ahipoi ama chu teh lheh tajong leh nu le pa jaa ding mitzvah anei nalai ahi.
Torah mitzvah ahi jeh chun chate jong chu aneo akon nu le pa jaa ding dan hilpan ding ahi tai hitabang chu kiletsah na jeh’a nahil ahipon hiti joh chu Torah in asei ahijeh chun chapang chu aneo akon naki jaa sah thei nading’a nahil pan ding ahi. chuleh nu le pa bou hilou’a midang chung’a jong jaa na hi peh ngai ahi hitbang hi kiha them chuh ding ahi.
עפ”י פסקי מרן הרב עובדיה יוסף זצ”ל