בס”ד
PARASHA: KORAKH
Hilkhot Kaved av ve’em
Nule pa chu ichan’a jaa na nei ding ham?
Donbutna: Ihetsama bang uvin nule pa jaa kiti hi a boundry aumpon, ahithei chan leh nabol thei chan’a najaa gutding ahi, chuti leh hilai leiset leh ahung lhung ding leiset ajong nopsa in natin chuleh hilai leiset’a jong nahinkho sao intin, chuleh nachate jong nanu le napa najaa jal chun nachaten jong nan jaa in tin nateh chan’a najaa diu chuleh H-shem akon jong thilpha tah tah namu ding ahi.
Torah akon “ve ahavata le’ekha kamokha” akiti bang in nasopi khat chu nalungset ding ahi akiti in hinlah adehset’a nu le pa chung’a ve ahavta joh len joh sah ding ahi, ajeh chu nu le pa kiti chu Torah in H-shem gin ding dan toh akibang’e tin ahin hil’e.
A Nu le pa ajaa jeh’a genthei jongleh jaa na chu apeh tei tei ding ahi. hima bang chun apa chu a teh val jeh’a akom’a asin jing ding khat angaichat ahi leh achapa chun apa chu aumpi jing ding ajaa jing ding ahi. chuleh apa jen ding midang khat jong sum’a peh ding hijong leh abol peh ding ahi.
- kanu leh apa akon athil thum honchu iti suh bulhit peh ding ham?*
Donbutna: Ihetsama bang uvin nu le pa in chate kom’a athum/ angaichat asei hon ahileh kingaito sot lou’a anu le apa thum chu abol peh jingding ahi. anu leh apa in aseichu abol tieng thaset leh phun lou’a kipah tah leh gantah’a abol ding ahi, hiche nathilpha bol chun hilai leiset leh ahunglhung ding leiset’a nan kithopi ding ahi. Rabbeinu Ha’ari z”l in(sha’ar hamitzvot daf a) hitin asei’e: “Mitzvah khat nabol tieng ale hiche mitzvah chu bol ding ahi tia nagel louding ahi hinlah hiche mitzvah kabol ahileh sana dangka asang sang’a kamu ding ahi tia joh gelding ahi, chuti leh amitzvah bol chu kipah tah’a abolthei ding ahi” tin eihil uve. Chuleh minu le mipa jong achate chung’a thil hah sa tah tah akoipeh louding ahi chuti lou ale nu le pa jaa ding chu ahiding bang’a ajaa lou thei khah diu ahi ijo thu ngailou’a hung um kha thei’u ahi khaz ve shalom.
עפ”י פסקי מרן הרב עובדיה יוסף זצ”ל