בס”ד
PARASHA: BAMIDBAR
Jaan lhah Omer 38
Le ilui neshamat
Yoel ben sarah ת.נ.צ.ב.ה
SHAVOUTH
Shavouth jaan hah khovah jou’a kikhop tieng iti kaum dem?
Donbutna: Ihetsama bang uvin khazal ten asei uve: “H-shem in asei in kachate(bnei israel) ten kum she toh shavoith nikho leh 10 coammandment asim tieng uleh ken jong amaho chu sinai moul’a Torah kipeh nikho bang’a kagel peh ding ahi” ati. Matan torah shavouth nikho nia H-shem in Torah apeh gut chun ipu techu ana imu uvin H-shem in vanging toh tho in ana thou khang uve, hijeh achu ahithei ale shavouth nikho leh Torah kisim phat leh imut gutlou ding ahi.
Chuleh kriyat shema leh kikhop phat jongleh humpi bang in kiham bol henlang imut louding guhen, chuti lou ale a mitzvah jouse chu moh mang ding ahi. Iham tia alal val ahi leh houin kikhop masang’a chomkhat imu hen.
Koi hileh Torah simchu akipaman ipi ham?
Donbutna: Ihetsama bang uvin Torah sim kiti hi achung nung pen leh alen pen ahima bang in akipaman jong mitzvah dang ho kipaman sang in ha len in alen jo nalai’e, hitin Talmud yerushalmi in aseidung jui’in: “Torah sung’a mitzvots jouse chu Torah thuchang alen jo nalai’e” ati. Akipaman chu yishaiya 64:3 in asei’e. hijeh achu mikhat chun Torah sim kisimlou namun/mi lhom pet’a’ kiham bol’a Torah asim ahileh akiham bol dung jui’a chu kipaman sangtah amun ding ahi. Chuleh “orkhot tzadikim” in aseibe nachun amapa chun kipah tah’ Torah asim ahileh amitzvah chu len jo cheh ding ahi ati. Chuleh talmud yerushalmi in asei kit nachun “shabbth leh yom tov in israel chate ding’a Torah asim thei nading’a bou kipe ahi” ati chuti ahileh koi hileh shabbth toh yomtov nikho’a Torah simkhat chu akipaman sangtah amu chom be kit ding ahi.
עפ”י פסקי מרן הרב עובדיה יוסף זצ”ל