בס”ד
PARASHA: KORAKH
Hilkhot Kaved av ve’em
Nule pa jaa ding kiti mitzvah chu phone’a kon iti kasuh bulhit thei ding ham?
Donbutna: Ihetsama bang uvin mikhat bang chu anu le apa da lhah’a Torah sim ham kahe poi munchom’a um ahileh anu le apa chu aga vil jingai ahi, aki moh vil thei tahlou jongleh phone’a kon kihoupi jing ding ahi. hima bang chun ajinei ho jong inchom’a cheng hojong nu le pa chu phone’a kihoupi jing ngai ahi ajeh chu amaho kipana chu nang in nadam dam hinam tia nadoh chu kipana anei jiuve hibou chu hilou’a phone’a na call lai’se’a Torah akon mitzvah kipe chu nasuh bulhit jing ahi. akhen khat chun anu le apa kom’a thil angai chat phat leh bou a call jiuve hitabang chu hilou ding ahi.
Nikhat’a hijat vei na call ding tina aum pon hijeh achu nang in naki gel dan dan’a na call ding ahi. hinlah anu le apa chun niseh in hin call in ati leh vang niseh’a call jing ding ahi.
- kanu leh kapa thusei chu kanil thei dem?*
Donbutna: Ihetsama bang uvin achapa in anu leh apa thusei chu anil phal poi eg: “Hepa nathusei chu kadei poi” et.. chuleh apa masang hilou jongleh hitabang sei’a kon kiven ding ahi.
Chuleh mipa chun thukhat asei athusei chu dih jep lou hichu achapa in ajah ahileh achapa chun apa thusei chu “Hepa hiti chu ahipoi” tia jong aseilou ding ahi. hima bang chun mikhat in mipa khat kom’a “hiche hi ijat’a najuh ham” tia adoh’a mipa chu “hijat jat” ahi tia asei aman khel’a asei chu achapa in ajah jongleh achapa chun ima aseilou ding ahi.
Mipa khat chun achapa thil khat’a angoh achapa in akingoh nachu ama ahilou dan aseigut ahileh apa kom’a hiti aseilou ding ahi “hichu thudih ahipoi” ahilou ale “adihpoi” tiho aseilou ding aseiding dan joh chu “Hepa kei kahilou dan thil kasei nom’e” tia joh asei ding ahi.
עפ”י פסקי מרן הרב עובדיה יוסף זצ”ל