בס”ד
PARASHA: KORAKH
Hilkhot Kaved av ve’em
Nule pa jaa a imu chu suh khah thei ham?
Donbutna: Ihetsama bang uvin nu le pa chu aimut hon tieng leh poh lah lah thil suh ginglou ding chuleh aw jong san sah louding ahi ijo hung khang kha thei ahi.
Amang thei ding thil: sum tam tah man sah nading mun hijong leh nu le pa chu aimut hon akon suh khah louding ahi, hinlah achapa chun hitabang sum tam tah mu nading’a kapa hi katho lou ahileh kho nung leh lung hang ding ahi/ apa in hitabang ho tieng nei thou in ati ahileh atho thei ahi, ajeh chu hitabang chu apa deilehn ahitai.
Kriyat shema chuleh tefilah: apa nom tah kichol’a imu achapa in aphoh khah lou ahileh tefilah timming kichai ding hita, ahilou ale shema seiphat kichai ding hita, hitabang ahi tieng ahithei ding ale midang khat aphoh khah sah ding ahi, midang aum lou jongleh ama in jong aphoh khah mo deh poi.
Phone: midang in apa phone ahin bol apa imu ahilou ale inn’a apa kom’a aloite hung apa ana imu hitabang ho’a jong apa chu atho khah lou ding ahi, hinlah achapa chun kapa hi katho khah lou ahileh ijo lungnom mo thei ahi tia agel’a ahileh atho khah thei, chuleh aloite chun napa hi tua natho lou ahileh khonung leh nom mo asah louding ahi tia aasei’u leh tahsan ding ahi.
Nule pa in acha khat kom’a chonsetna bol in ati ahileh ngaiding ham?
Donbutna: Ihetsama bang uvin Torah(vayikra 19:3) in hitin akijit’e: “mikhat chun anu leh apa akichat ding ahi chuleh ka shabbth chu jui uvin, kei H-shem na P-then’u kahi”. Hilai akon achun khazal ten yevamot 5b a hitin asei uve: “mipa khat chun achapa kom’a Torah leh mitzvot ho jui lou ding’a asei hichu shabbth pal keh etc.. achapa chun nule pa thu ngai ding ahi aki ti jeh’a kapa in hitabang asei chu kapa thu kajui ding ahi tia agel louding ahi, hinlah H-shem thusei joh chu angai ding ahi ajeh chu apa hihen achapa hileh mipa hileh H-shem thupeh chu ajui khom hon ding ahi ajeh chu achung’a iseima bang uva “kei na Pakai P-then u kahi” tia kisei khu mijouse P-then tina ahi.
Chuleh mipa chun achapa kom’a Torah akon hilou khakhamim te akon thupeh hojong palkeh ding’a asei ahileh apa thusei chu angai louding ahi.
עפ”י פסקי מרן הרב עובדיה יוסף זצ”ל