בס”ד
PARASHA: BAMIDBAR
Jaan lhah Omer 43
SHAVOUTH
Siur Torah’a jao hochun itabang kipaman amu diu ham?
Donbutna: Ihetsama bang uvin Mipa ho jouse chu siur Torah’a sao soh keidiu ahi, hijeh achu achang’a asimlou ding ahi ajeh chu achang’a sim toh talmid khakham khat akon Torah hungpot chu akibang poi. Hijeha chu mikhat in Torah ama chang’a akisim sang’a Rav khat kom’a kon angai joh chu nasa tah-in alen jo-nalai’e.
Chuleh mipi toh siur jaokhom hochu akipaman’u khat aum kit’e hichu midang ahung jao hochu aman jong chanvou akilah’e hichu midang hochun hilai siur in kijao hen tia hung hiti chu aban ban’a hung hilai ahung jouse chu siur ana jao-masa hochun ahung vaigei te mitzvah chu akichan diu ahi.
Torah chu lekhabu akon sim tei tei ngai ding ham?
Donbutna: Ihetsama bang uvin henge achung’a inasei bang uvin mipi toh siur’a jaokhom ding chu athupi pen’e tia isei uvin hijeng vang in mikaht in Torah lekhabu akon asim thei nading in phat kisiem hen, asimding’a deisah chu halakha lekha ahilou ale gamara asimthei ahileh deisah ahi, hiti chu aphat a ong seh leh asim jingding ahi, bet midrash sung’a achang’a lekha sim hojong chun inn’a jong asim nading in kiham bol hen chuti leh achate leh ajinu ding’a example hiding ahi.
עפ”י פסקי מרן הרב עובדיה יוסף זצ”ל