בס”ד
PARASHA: VAYIKRA
PESSACH
Q Meikham (twisa om’na) iti suhtheng ding ham?
Donbutna: ihetsama bang uvin (meikham) chu nidang lai’a nehthei lampang asuhsatna’a najah lou ahileh asuhtheng angai poi apam lang chu hoitha’a asop theng leh ahijing’e hinlah iham tia borokas/pita ham khatvei ana suhsat ahileh asin chu hagalah bolding ahi akhen khat in aseidan in angaipoi tin jong asei uve.
Shabbat plata iti suhtheng ding ham?
Donbutna: ihetsama bang uvin shabbat plata chung’a lekhem ikoi jiuvin hijeh achu pessach nikho’a jahthei nading’a suhtheng angai in asuhtheng dingdan chu hiti ahi, plata chu lekhem mat am tia hoitah’a avetding aban twisapieh (kli rishon) plata khaogui tongkha lou’a achung chu asun khum ding ahi, aban leh athih got pei ding ahi. Nidanglai’a plata chung chet’a (beel chung hilou) lekhem asuhsat nading’a akoi jing ahileh vang aplata chu aluminium foil’a atom ding ahi. Plata abangchu achung glass ahin hitabang chu asuhtheng sel ale ahijing’e.
SOURCE: ע”פי פסקי מרן הרב עובדיה יוסף זצ”ל*