בס”ד
PARASHA: Akhareimot- kedoshim
Jaan lhah Omer 18
OMER
Q. ken jong omer chu kasim tei tei ngaiham ahilou ale midang sim chu kangai/kagel ahileh omer sim’a kakisim dem?
Donbutna: Ihetsama bang uvin hiti hin Torah in asei’e “usfartem lakhem”(nanghon nakisim uva) tin akijit’e hilai akon jildoh dingchu omer eima in kisim ding chu mitzvah ahiti mudoh thei ahi. Hinlah mikhat chun khazzan pa sim chu hoitah’a angai’a khazzan pan jong tua hi mipi hop’a kasim ahi tia agel ahileh henge ahithei nai.
Sefirat omer chu kam’a seidoh potsah ding ahin lungthim’a gel chu akisim poi. Iham tia alungthim’a asei khah ahileh ajo leh baracha pachu aseiding aban omer chu akam’a kon apotsah ding asimding ahi, ahoipen chu athusei chu ajah ngai ahi, iham tia ajahlou ahileh vang kisimpoi.
Q. Tuni ipi nikho hitam ahetlou ahileh ipi alo ding ham?
Donbutna: Ihetsama bang uvin mikhat chu jaan lhah achu kasim hitam kasimlou ham ahet chienlou ahilou ale jaan lhah kasim chu anumber kasimdih hinam ahetlou chien talou jongleh akhohna aumpoi hiche jaan’a asim tieng baracha jao’a asimding ahi, ajeh chu safek sefika ahin hiche jaan’a chu ana simjong himei thei ahi.
Mikhat chun tuni omer ijat hitam ahetlou(ahet nathei ding aneilou) ahileh baracha jaolou’a a safek teni chu asimding ahi ajing nilhah leh adih pachu ahet tieng ale baracha jao’a asim ding ahitai.
עפ”י פסקי מרן הרב עובדיה יוסף זצ”ל