בס”ד
PARASHA: Akhareimot- kedoshim
Jaan lhah Omer 21
TORAH SIM
Q. Torah simthei lou khat chun ipi abon ding ham?
Donbutna: Ihetsama bang uvin mikhat chun insung jeh’a sum ahol’a Torah asim nading phat aneilou ahileh Torah kisim namun ho’a trumah themkhet beh abol ding ahi, ahilou ale Torah simkhat sum’a akithopi ahileh hiti chu Torah simjingpa jong chu akithopi jal achu achanmun hon kihom thei hon ahi. Hitabang muthei nading’a chun zevulun toh ishakhar jong chu ivet ahileh zevulun chun na atong in ishakhar ngaichat jouse ape in nom tah’a Torah asim sah’e.
Mikhat chun talmid khakham khat toh kikangse lou’a aum man chun a torah simding chu hei hih hen, nikkho khat’a halacha asim thei nading phat kihol henlang sim kigu hen chuti leh thill khat chu adih ding dol’a atoh thei ding ahi.
Q.Numei khat chun aji achate Torah asim sah ahileh itabang kipana amu dem?
Donbutna: Ihetsama bang uvin numei khat chun ajipa achate Torah asim sah ahileh achanmun alen in aman a insung’a chanmun ding hochu ahop ding ahi.
Hitin khazal ten meshekhet barachot 17a in adong uve: numei hichu Torah akon ongthol uve tin akisei in chuti leh tekhiyat hametim chu iti ding hitam? Adonbutnau chun minu khat chun aji achate Torah sim’a aasol’a ajipa hung kile lungneng tah’a anga ahileh ajipa Torah sim jal achu achamun dingho kihom uvin tin chuti leh tekhiyat hametim tineg thou diu ahi.
Khazal meshekhet barakhot 17a ten asei uvin: H-shem in pasal ho sang’a numei hojoh olam haba’a lut tamjo ding ahi tin akitiem’e.
Beer hagaon hanatziv in alekha merumi shade’a akijit nachun pasal te kitepna sang in numei te’a alen jo’e, ajite chu yeshiva asol’a ajite chun Torah asimlou jongleh ajite chun kipaman amu thou thou diu ahi.
עפ”י פסקי מרן הרב עובדיה יוסף זצ”ל