בס”ד
PARASHA: EMOR
Jaan lhah Omer 26
TORAH SIM
Q. Bet midrash(Torah sim namun) sung’a imut phal ham?
Donbutna: Ihetsama bang uvin bet midrash sung’a chun imut phal ahipoi, iham tia amut khah ahileh a torah simchu neo cha cha in akeh’in akihom thang jie, chuleh mikhat chu mipi siur pet’a moh pao pao ahileh amapa chun chonset nalen tah akibol doh ahin hibou chu hilou’a midang siur Torah ngaiding jong asuhbui ahijeh’a chu hitabang chonset nachu ngaidam thumding ahahsa’e.
Hima bang chun mipi siur’a ajao ale baracha asei phat leh gingtah’a aseilou ding ahi ajeh chu gingtah in seileh mipi chun amen ati tei diu ahin a siur ngai diu chu asuhbui thei ahi, hijeh chun mi akhen khat chun ilui neshama’a ding nehthei tam tah siur mun chun ahin choi jiuvin mipi siur lai phat leh baracha asei jiuvin hitabang chu ilui neshama ahiding dol hita lou in kile bul ahi. Hijeh chun ahithei ale mipi siur phat leh neh thei ho neh gutlou ding chu ahoipen’e iham tia aneh nom ten ahileh akilah’a baracha ama jah kham dingbou’a akisei ding ahi.
Q.Mipi bitul Torah kabol khah tah ahileh itabang lampi chu juileng kaseim pha jou dem?
Donbutna: Ihetsama bang uvin khakhamin ten asei uvin “mikhat chun mipi chung’a bitul torah abol ahileh ama chung’a teshuva lampi ahahsa’e” tin asei uve hiti akisei vang chun ama chun teshuva abol ahileh ama chu teshuva bolpa ahijing’e(rambam hilkhot teshuva perekh 4). Hita bang seimphat nading’in mipi achonset sah tabang chun mipi achonphat thei nading’a jong abol ding ahi, hichu mipi ding’a siur mun ho asuhtup/agon peh ding, ahilou ale Torah thu kijitna lekha neo cha cha/disk torah thu kiseina naho ahop peh ding ahi.
עפ”י פסקי מרן הרב עובדיה יוסף זצ”ל