בס”ד
PARASHA Devarim
Le ilui neshama: Hilel Ben yoav
ת.נ.צ.ב.ה
Shavua she khal bo(9av hapta) nikho sung’a von kasop phal dem?
Donbutna: shavua she khal bo Hiche nikho hosung hi bein hamitzarim nikho ho lah ding’a nasa dehset ahi ajeh chu hiche nikho hohin Bet hamikdash lhuh lai phat toh kinai jeh ahi.
Hijeh chun vonsop hovang phal ahi tapoi, ipi von hihen a ul hao jeh hijong leh phallou ahi. Hima bang chun towel, table cloths, bed sheet etc.. hiche hojong phallou ahi, chuleh a surf jaolou’a twi mei mei’a sop ding jong phallou ahi. Hiche daan hi isopi azkenaz ten vang Rosh khodesh Av akon apan tauve. Von khat nasop 9av jouleh ah ding’a nasop jong chu phallou ahi. Chuleh chapang hovon jong sop phallou ahi, hinlah chapang kum 3 lah chan hovang avon’u tam tah hijong leh phal ahi.
Shavua she khal bo(9av hapta) nikho sung’a itabang’a kisil phal ham?
Donbutna: Shephardic chate chondaan in hiche hapta sung’a kisil ding tah jong leh twisa man louding ahi, hinlah nakisil nom tah ale twi chu them khat vot’a kisil ding ahi, chuleh sabon’a jong kisilmo ahipoi.
Hetding khatchu twidap’a kisil ding kiti chu twi vot mong mong’a kisil thei lou/hahsa asah khop leu’a kisil ding tina ahipoi, achung’a iseima bang uva akisil tieng twi dap chu them khat ajaosah ding ti ahibou’e(alum val a kisil louding tina ahi).
עפ”י פסקי מרן הרב עובדיה יוסף זצ”ל