בס”ד
PARASHA KHUKAT
Hilkhot Barakhot
*Twi donjou akhumna barakha ipi ham? *
Donbutna: ihetsama bang uvin, twi donjou tieng barakha achaina chu “shehakol” ahi, wine ahi leh vang “Mein shalosh” ahi, hiche kisei chu twi dang chah talou ahileh aseiding ahi. Hinlah twi adonbe nom nalai barakha aseiphat dingchu akichai tah ale barakha chu asei talou ding ahi.
Abang tieng kadang chah ham kadang chah lou ham ti het ahah ji’in hijeh achu akijen in reviit twi don kit henlang aban barakha chu sei hen.
Twi adon chomkhat jou’a twi adang chah kit ipi alo ding ham?
Donbutna: Ihetsama bang uvin, mitam tah in ahet lou twi nadon’a chomkhat jou’a twi nadon kit gut aniveina twi adon nading’a “barakha rishona” pachu asei hei jiuve.
Hijeh achu mikhat chun twi reviit khavei don’a adon ahilou ale ann/theiga kaziat ti aneh, aneh jou akon anivei chan aneh kit ding’a agel hinlah ijo hilai kikah chun barakha akharona seiding phat kichai khante tia agel ahi leh athil neh/don jou jou a aseipei ding ahi, chuti lou ale barakha chu aman sah ding ahi. Chuti leh akit’a aneh kit ding phat leh barakha rishona asei ngai tapoi ajeh chu jaan kipat’a phat’a asei chun jaan sungse’a aneh ding jouse chu ahop soh ahitai.
Ajeh chu hilai barakha akharona akisei najeh chu ijo barakha kisei phat kichai khante tia kichat jeh’a asei ahin, aneh nom belou ding’a asei ahipoi, hijeh achu aneh kit ding phat leh barakha rishona ana sei masat pachu anganse thei ahi.
עפ”י פסקי מרן הרב עובדיה יוסף זצ”ל