בס”ד

Parasha: NETZAVIM

Shofar kimut masang a ann ho neh phal ham?

Donbutna: Rosh hashanah nikho chu Torah in ” Yom Terua” nikho tin asei’e hichu Shofar kimut nikho ti ahi. Shofar gin in avetsah chu: thil bol khel ho kisihna nei a kisiemphat a H-shem Lang kingat sah ding ti ahi. Shofar kimut masang a mikhat chu atha lhasam ahileh thil aneh masat ding chu akhohna aum poi hinlah ahoi pen in Wine jao a Reviit adon a uga kabeitza ti aneh a asuh theng a aneh ding chu ahoie. Iham tia Wine aneilou/Amu joulou ahileh Wine jaolou ajong thil chu ane thei e.

Rosh hashanah nikho thukitan nikho leh iti kibol henlang hileh hinna lekha bu a kijit lut thei dem?

Donbutna: Hetding khat chu Rosh hashanah nikho leh thil neh ding tam tah aum in hitabang nagon thei a nabol thei chu thilpha ahin hinlah hetding chu hichu symbol nei mei ahi. Apoimo joh chu hiche rosh hashanah nikho a ahithei chan a lunghang louding ti ahi, iham tia najinu Chun ann ahun lai tah a Shofar ngai a apot kah a ann hochu ana kah vam nang houin naki khop kipah tah a inn nahung kile a na ann ho ana kavam tajong leh ahithei chan a lunghan Lou a innsung kipah tah’a um khom ding chu aloupi joe. Hiti pou hoa chu nalung ahan ahileh lunghan louding kiti chu napal keh ahi kipaman nalhaso ahi, hinlah naki tim’a nalung hanlou ahileh vang kipaman chu nasah tah a namu ding ahi. Alang khat a sei ding a hita bang hojeh ajong chu na hinkho chu hinna lekhabu a kijit lut ding ahi. Hijeh achu eiho mihem chung bou a kingam ahi.
Hijeh Chun hiche nikho leh ahithei chan in lunghan ho’a kon kitim hen ajeh chu hitin Gamara in asei e: “koi hileh aum chan khel Chun, chung lang ten Jong a thil bol khel ho atol mang peh e”Rosh hashanah: 17a. Hitabang chonset naho tol mang thei nading a thil umthei chu koi ham thu kitan nikho a adei lou?

עפ”י פסקי מרן הרב עובדיה יוסף זצ”ל