בס”ד
PARASHA MATOT-MASEI
Hilkhot Bien hamitzarim
Bein hamitzarim nikho ho sung’a Tikkun khatzot kasim nom ahileh iti kasim ding ham?
Donbutna: ihetsama bang uvin, koi hileh H-shem mikhat chun Bet hamikdash kisuh set nachung chang’a ageljing ding’a lom ahi. Tikkun khatzot(tikkun Rakhel leh Tikkun Leah) hi Rabbeinu Ari z”l in ahin sem ahi, hiche tikkun sung’a chun imadang ahipoi tehilim bung leh chang ho ahin hichu jaan khangkim’a kisim ji ahi, siddur ho injong aum’e. hima bang chun bien hamitzarim sung’a jong Temple kisuhset chung chang leh tzdikim te ana kithat ho leh israel chate ana kisuh genthei dan hochu agel in ahoi’e, chuleh aseitieng lhiso leh kaa leh mao leh lunggel pumpi’a asei ding in ahoi’e.
Asei phat leh akot(door) pang’a toul(floor) a tou lha’a “tikkun khatzot” chu asimding ahi. Chuleh asim masang’a kengkoh akisuh ale ahoi’e. asim sung phat hi jaan khangkim akon jingkah(amud hashakhar) chan ahi. Iham tia hichan’a jong aseilou ahileh netz hakhama(khovah thim thim) tieng tikkun leah bou asimding ahitai.
Numei hojong tikkun khatzot asimdiu ham?
Donbutna: Ihetsama bang uvin, Hetding khat chun tikkun khatzot simding hi aloupi dan chu netz hakhama’a kikhop sang’a lenjo nalai ahi, hima bang chun elul lha slikhot kisim sang’a tikkun khatzot simding hi alen jo nalai’e.
Hijeh achun numei hojong chun asimthei ale ahoi’e. Eiho chonset najeh in tukahng chan in Bet hamikdash chu akisa doh naipon hijeh achun achung’a iseima bang uvin numei hojong chun asim phat uleh kaap le mao pum’a asim thei diu leh ahoi’e.
עפ”י פסקי מרן הרב עובדיה יוסף זצ”ל