בס”ד
PARASHA MATOT-MASEI
Ipi ham “snayim mikra ekhad targum”?
Donbutna: ihetsama bang uvin, khazal ten meshekhet barakhot 8a in hitin asei uve: “koi hileh ahithei chan in “snayim mikra ekhad targum” hi mipi toh simkhom kigu hen chuti leh ahinkho saoding ahi. Hijeh achun hapta khat sung’a parasha shavua chu nivei beh asim chai thei nading in kiham bolhen, chuleh Targum onkelus chu khatvei bou hiding. Hiche simding hi eiho israel chate ding’a tei tei ahi, onkelus chu apao he hih jongleh asimding ahi, chuleh asim phat leh athuchang ho phate cha’a asimding ahi, chuleh parasha shavua asimphat leh “Tamei mikra”(Torah tune) dungjui’a asim ding ahi. Mikhat chun yom shishi nikho’a asimlou ahileh liel shabbth tieng jongleh asimmo deh poi.
Itabang’a simding ham, chuleh numei te “snayim mikra ekhad targum” asim diu tei tei ham?
Donbutna: Ihetsama bang uvin, kabalah dungjui in parasha shavua nivei chuleh targum khatvei asim ngai ahi. Tukhang hin hitabang lekha chu parasha nivei aum in targum khatvei aum in ahinsem doh tauve. Chuleh abolthei dingdan khat kit chu nang in hapta(shabbth hung lhun masang’a) sung’a khatvei nasim chai shabbth nikho leh Torah simpa in asim chu phate cha’a ol leh kang’a naki sim houin kikhen jou leh nang in targum chu nachang’a khatvei nakisim lhah ale parasha nivei simding chu nasuh bulhit’e. hima bang chun parasha chu khatvei nasim aban’a targum nasim aban’a parasha nasim ale hiti jongchu phal ahi. “snayim mikra ekhad targum” chu nasim phat leh achai nalang chu “mikra”(parasha) bou simding ahi.
Numei hochu “snayim mikra ekhad targum” akon a ongthol uve, ajeh chu hiche “snayim mikra ekhad targum” hi Talmud Torah ahin ihetsama bang uva numei techu Torah simding’a akon ongthol uve. Hinlah ahoipen in numei hijong leh parasha khatvei beh asimchai ale ahoi’e.
עפ”י פסקי מרן הרב עובדיה יוסף זצ”ל