בס”ד
PARASHA *KHUKAT
Hilkhot Barakhot
Mikhat in ann aneh jou’a kinuakh seudat ding’a “ice cream” or “jelly” aneh ahi leh barakha “shehakol” asei dem ?
Donbutna: ihetsama bang uvin, hiche chung chang hin kinil na tam tah aum in ahithei ale safek akon potdoh thei ale ahoi pen’e hichu ice cream naneh masang in a barakha kibah pi sweets/chocholate/etc.. ho naneh’a barakha nasei chun ice cream jong chu ahop tha ahitai. Hinlah iham tia nehthei dang aneilou ahileh birkat hamazon asei chai jou leh aneh gut ding ahi. Hinlah brikat hamazon aman masang’a ice cream hochu na table chung’a um nehthei barakha akibahpi adang aum lou ahileh barakha seilou ding ahi ajeh chu “safek barakhot lehakel” ahi.
seudat jou’a compote(neh thei jat chikhat) neh ding ahi leh ipi barakha kasei ding hitam?
Donbutna: Ihetsama bang uvin, mikhat in seudat sung’a theiga ahilou ale thil alhum aneh ding ahileh barakha rishona pachu seiding barakha akharona vang chu birkat hamazon chun ahop ahitai. Hinlah anehthei chu lekhem toh amepi ahileh vang barakha rishona hijong leh aseilou ding ahi, ajeh chu hiche nehthei chu lekhem ding’a tefel ahin lekhem barakha chun ahop ahitai. Hima bang chun mikhat in lekhem toh mot(banana) ahilou ale chocolate amepi ahi leh barakha rishona chu aseingai poi lekhem chun ahop ahitai.
Compote kiti hi nehthei jat chikhat hichu theiga ho apple/agas/lengthei etc.. kihal khom ahin hitabang chu birkat hamazon masang’a naneh ding ahileh barakha rishona pa nasei ding ahi, hinlah barakha akharona vang aseilou ding ajeh chu birkat hamazon in ahop soh ahitai.
עפ”י פסקי מרן הרב עובדיה יוסף זצ”ל