בס”ד
PARASHA KHUKAT
Hilkhot Shabbth
Kiddush masang’a thil kaneh thei am?
Donbutna: ihetsama bang uvin, kiddush masang’a ima akine theipoi twi hijing jongleh phallou ahi, iham tia adang chah val ahileh kiddush akibol’a adon ding ahi. Hima bang chun minu khat chun ajipa houin chi chu anga lal val adang achah val ahileh kiddush akibol’a adon ding ahi.
Chuleh chapang kum 6 akon amaho jong kiddush masang’a ima nehthei ahipoi tia hil ding ahi. Hinlah iham tia hah asah ahi leh vang nga sah lou’a neh sah jingthei ahi. Torah dungjui in shabbth jaan kiddush tieng numei hojong tei tei ahi. Chapang kum 6 akon hochu kiddush kiman phat eu lou ding’a hil ding ahi.
Mipa inn’a umlou chu achapa(chapang nalai) chun kiddush abol thei ding ham?
Donbutna: Ihetsama bang uvin, mipa khat chu inn’a shabth ding’a umlou ahileh minu ahilou ale acha(achate alen hon) ten kiddush chu abol thei ahi, acha alen pen in abol tei tei nading tina aumpoi. Hima bang chun chapang kum 13 nuilang chun kiddush abol jongleh midang hochu ahop poi(ajeh chu amaho ding’a mitzvah aum theinai poi). Hinlah iham tia anu chun kiddush sim ding dan ahetlou ahileh achapa aw ging anung ajuiding ahi, achapa in ol ol’a asei’a anu in ajuiding ahi.
עפ”י פסקי מרן הרב עובדיה יוסף זצ”ל