בס”ד
PARASHA KI-TAVO
Mikhat chu ama leh ama adih nading’a iti akimu ding ham?
Donbutna: Mikhat chun kum khat sung’a kei hi akeh khat tabang kalhing in akeh khat tabang kalhing jipoi tia akigel jing ding ahi, hima bang chun mijouse chung’ ajong hiti chu agelding ahi: iham tia ama chun chonsetna neokhat abol ahileh ama jal’a mijouse jong chonset abol peh tabang ahin, iham tia chonphat abol kit ahi leh ama jal’a mijouse jong vangphat nale huhhingna amu kit diu ahi.
Hijeh achun tulai hin adehset’a Rosh hashana akon yom kippur chan in chondaan in tzaadakah leh mitzvah lampang hin atam thei chan in abol jiuve.
Khida in hitin asei’e: Tulai’a bolding’a hoipen chu imut kon tieng leh tuni kathil bol chu H-shem ading’a lunglhei nan tem kabol khel ham/kabol dih hinam tia agel jiding ahi. chuleh ahithei chan in masang’a ana bol khel hochu kisihna anei’a aasemphat’a hiche sang’a phajo leh adih jo’a abol thei nading’a kiham bolding ahi.
Itabang chu mi tzadik kiti ham?
Donbutna: ihetsama bang uvin mijouse in chonphat nale chonsetna akinei soh kei’in, mikhat chu achonsetna sang’a achonphatna atam ale ama chu tzadik ahin, hinlah mikhat chu achonphat nasang’a achonsetna atam joh leh ama chu miphalou ahi. langkhat’a akeh khat lang khat’a akeh khat hichu alailah(beinoni) ahi. chonset naleh chonphat nachu alet dungjui’a kite ahi hichu: chonsetna khat jong chun thilpha tam tah asuse thei’in, hima bang chun chonphat khat jong chun chonsetna tam tah asempha thei’e.
עפ”י פסקי מרן הרב עובדיה יוסף זצ”ל