בס”ד
PARASHA KI-TAVO
Mikhat chun aloipa avel’a asuhkhah/nuh(paga) kitlou ding’a iti kiven ding ham?
Donbutna: Hetding khat chu ngaidam ithum tah ale avel’a ngaidam thum kit nading’a bolou gutding ahi, hichu, naloi napai masang’a masang’a chonsetna hochu nana seichu avel’a ngaidam thum thei sahna achonset naho chu nasei kit hiche naseijal’a naloi khat chu lhaset thei kit ding ahileh ahoipen in ngaidam thumlou in ahoipen’e.
Aban khat chun aloikhat asuh lhaset jou nung’a aloipa jahcha asuh lhaset pachu akom’a chi’a kachung’a nalhase loupi na? tua kasei chu katot ahibou’e tiho asei ahilou ale “ash nalhaset nading’a kabol jing hilou chu aw, hijeh achu neingaidam tei tei ding kakinem’e, hiti chu nabol ahileh naloipa chu jahcha cheh cheh ding ahi.
Loi le pai khat kom’a iti ngaidam thumding ham?
Donbutna: Naloi napai khat chung’a lashon hara nasei ahilou ale thichom beh khat nabol. Naloi khat chun ahetlou ahileh ahoipen in ama kom’a nang chung chang chu nang hetlou in hiti hiti in kasei’e tin seigut dahen, chuleh aseipeh lou in ahoi’e, ajeh chu naga sei ahileh naloi khat athoh hahsa asah khah ding ahi, hijeh achu ahoipen in ngaidam akom’a mohthum ding ajeh seilou in apha pen’e.
Chuleh mihem khat hina jal in lungkhoh umsah louding ahi hisang chun moh lunghan lou ding tiho lang joh’a umgut ding ahi. mikhat nakom’a asuhkhel chung chang’a ngaidam ahinthum tah ahileh nang injong lungkhoh leh lung hang tiho umlou’a ngaidam ahin thum chu lungsung pumpi’a nasan peh ding ahi, ama chun thil len tah abol khel hihen thil neocha abol khel hijongleh aphu bah lahlou ding ngaidam ahithum ahileh nalungsung pumpi’a nasan peh ding ahi.
עפ”י פסקי מרן הרב עובדיה יוסף זצ”ל