בס”ד
PARASHA Ekev
Le ilui neshama: Hilel Ben yoav
ת.נ.צ.ב.ה
Mikhat in tzitzit akisil ale ipi kipaman amu dem?
Donbutna: Mikhat in tzitzit atahsa chung’a aum laise’a Torah akon positive 5 asuh bulhit jing’e. koi hileh tzitzit chung chang’a phate cha’a juichun shekhina amu ding ahi. Chuleh tzitzit mitvah hi aloupi dan chu midang dangjouse toh kibang nalai ahi.
Tzitzit mong chu akhut teni in tuh/man henlang dinpum in hitin seihen: “Barukh Ata…. Asher kideshanu…lehit’atef betzitzit” tia aseiding ahi, iham tia toumun’a asei khah ahileh barakha chu athah sei ngai poi. Ahen/adam lou dinpum’a sei hah sa aum ahileh toumun’a aseijing thei ahi.
Tallit iti sil ding ham?
Donbutna: Talit silding dan chu hiti ding ahi: bag akon alah doh ding asil masang’a akhut’a choiding aban barakha asei masat ding ahi. Barakha asei chai phat leh adin mun achu talit chu asil pei jing ding ahi. Iti asil ding ham? A talit chu aluchung’a akoi ding mong 4 hochu ama lang’a hung pot thei nading’a abol ding mong 2 right mong 2 left hiding. Aban teng leh a right lang’a mong ni chu avei lang’a ale doh ding aban tieng avei lang’a mong 2 umjong chu avei lang mama anung lang’a akoi ding chuti leh mong 4 hochu anung lang’a abon uva umsoh ding ahi, aban tieng 2 meter lamjot chan agel’a hiti chu chomkhat umden ding ahi. Aban achai tieng talit chu alah lhah’a akisil jing bang’a asil ding ahi. Koi hileh tallit kisil’a among 4 hochu ama lang’a abon’a akoi ahileh ama chun tzitzit mivah asuh bulhing pon chu barakha asei jong chu barakha levatala ahi.
Tzitzit barakha asei jou akon asil jou masang chan’a ham/pao phallou ahi, hinlah asil lai tah’a ahileh vang “Amen” tia adonbut thei ding barakha toh akisil kikah ahileh “Amen” chu adonbut theilou ding ahi.
עפ”י פסקי מרן הרב עובדיה יוסף זצ”ל