בס”ד
PARASHA SHOFTIM
Le ilui neshama: Hilel Ben yoav
ת.נ.צ.ב.ה
Tefilah(taonao) iti kavanah peh ding ham?
Donbutna: Raboteinu hon asei uve(khovat levavot gate khesbon hanefesh perekh 3 9,): “Tefilah kavanah jaolou chu tahsa lhagao neilou tabang ahi ati”. Aban Rambam in aseidan chun: Ipi taona hileh kavanah jaolou chu taona in akisim poi(Tefilah perekh 4 15). Chuti ahileh itabang chu ham kavanah chu? Alung sung’a umjouse phate cha’a agel thuh ding, chuleh ama chu kicha tah’a tua hi shekhinah masang’a ding kahi tia akigel ding, hijeh achu taona kipat masang leh them khat kun ding ahi, chuti leh phate cha’a ataona man ding chu kavanah neitah’a aman thei ding ahi, toana chu kino tah leh gangtah’a manlou ding ahi, toana naman jou tieng nachi kon tieng nakun kit ding ahi.
Deisah: achung’a kiseima bang’a barakha jouse jong hiti chu abol gut ding ahi e, aneh ding khat chu aneh masang’a chom khat thip cha’a um’a tua kaneh ding hi ipi barakha ham tia agel ding hiti chu abol ahileh kavanah chu beilam cha’a apeh thei ding ahi(khafetz khayim).
Phone(smart phone) mangcha’a tao phal ham?
Donbutna: Mi akhen khat chun samrt phone mangcha’a toana aman jiuvin hitabang chu taona mandan ahipoi. Ajeh chu smart phone mangcha’a natao ahileh ijo message bang hung lut kha leh nataona chu ahin puimang thei ahi, hijeh achu manlou ding ahi. Hinlah iham tia siddur nahol vang’a namu lou mong mong eg: khopi leh khopi kikah’a nachi na’a hitabang ho dinmun’a vang onetime ding in phal ahi.
עפ”י פסקי מרן הרב עובדיה יוסף זצ”ל