בס”ד
Ipi jeh’a rosh hashanah nikho leh sunkim masang’a kikhop chai ngai ham?
Donbutna: Hetding khat chu Rosh hashanah nikho leh aliya ho ahung kijuh phat leh ham/pao tiho bolsang’a tehillim ham khat isim thei ale ahoi’e. chuleh koi hileh H-shem ging khat chun ahithei ale Rosh hashanah leh yom kippur nikho’a aliya kijuh hochu achoh tei tei nading in kiham bolhen.
Chuleh kikhop chu ahithei ale sunkim masang’a kikhop chai gutding ahi(12:30 masang chan), chuti lou ale mipi chu a inn gamlha hoding’a kiddush abol man lou diu ahi, abol lou man khah uva leh ijo ann ngol’a kisim thei ahi hijeh achu ahithei ale kikho vah’a kikhen vah gutding ahi, iham tia ahouin chu sunkim jou’a kikhen louding’a um ahileh kikhop lai hijongleh tea/coffee chini jao’a adon ding ahi chuti leh ann ngol’a akisim louding ahi.
Rosh hasahnah a jaan anina phat jong leh shehekhiyanu kasei thei nalai dem?
Donbutna: Rosh hashanah ajaan nina phat leh kiddush kichai lang leh “shehekhiyanu” chu akihapbe jie, hinlah hiche kikah hin poskim te kinilna aum’e seiding ham seilou ding ham tin kinilna aum’e. ahoipen’a abolding dan chu ajaan nina phat tieng theiga shehekhiyanu seithei khat akoi’a barakha sehekhiyanu asei phat leh theiga jong chu hop’a asei ale ahoi’e. iham tia theiga thah amulou ahileh vonthah ajong bolmo ahipoi. Hinlah iham tia theiga thah chuleh vonthah aneilou jong leh “shehekhiyanu” chu aseithou thou ding ahi.
Rosh hashanah anina nikho chu motzei achuh khah ahileh kiddush phat leh barakha “bore me’ore ha’esh” chu ahapbe ding ahi aban birkat havdalah jong, abeilampen’a het nading in “Yaknehaz” chu ahi.
עפ”י פסקי מרן הרב עובדיה יוסף זצ”ל