בס”ד
Numei ho jong chun shofar gin angai tei tei diu ham?
Donbutna: Ihetsama bang uvin numei hochung’a mitzvah phat neiho chu a ongthol uve tin akihe in hijeh achu phat nei mitzvah hochu numei hoding’a tei tei ahipoi. Hima bang chun numei hochu Rosh hashanah nikho shofar kimut agin ngaiding akon a ongthol uve.
Hinlah chondaan akhen khat kit chun numei hochu houin’a shofar ngaiding in ahung kit jiuve hitabang chu thilpha ahi, hinlah ihung tah ngal ahileh houin sung’a kihou lou’a ahilou ale houin kikhen tieng kihou den lou’a thuman louho seina iman louding ahileh vang chu houin’a hung’a shofar ngaithei ahi. hijeh achu koi hileh houin’a hung’a shofar ngai’a hung kigu chun kachi’a ale kahi thei ding hinam tia kikhol ding ahi.
Numei hon shofar mut na barakha asei diu ham?
Donbutna: shephardic numei techun shofar mutna barakha asei ngai pove, ajeh chu Maran sulkhan arukh seidung jui in mitzvah akon ongthol khat chun barakha asei ngaipoi tin asei’e. hinlah azkenaz numei hovang chun barakha asei thei uve.
Hatarat nedarim: Numei khat chun kum 3 kijom’a shofar ahin ngai jing hinlah abui jeh ham ipi jeh ham khat’a kangah ding ahi tia angah nom ahileh “hatarat nedarim” abol ngai ahi, hinlah iham tia ajipa in hatarat nedarim abol phat leh ajinu jong ahoptha ahileh vang ajinu in achom beh’a abol ngai tapoi.
Hinlah tukum bou adamlou jeh’a angaithei louding’a um ahileh hatarat nedarim chu bol ngai poi.
עפ”י פסקי מרן הרב עובדיה יוסף זצ”ל