בס”ד
PARASHA: HA’AZINU
Tzuva lang lampi’a iti kihei ding ham?
Donbutna: Tzuva neina ding in thil 3 poimo tah aum e hichu:
Kharta(lungthim akon): hichu alungthim’a kon chonset na um hochu ada lhah’a hitabang chonset chu ada lhah mang kei ding ahi.
Viddui(Kam’a kon): Akam akon achonset naho chu aphondoh ding ahi itabang’a phondoh ding ham? Hiti aseiding ahi: H-shem, nama sang in hiti hiti hin kachonse tan, hijeh chun tu hin nakom’a kathilse kana bol ho jahchat pum in kahung kile kit in hitabang thil phallou chu kale bol kit tahlou ding ahi, tia asei ahileh hitabang chu chonset phondoh aloupi pen chu, hitabang achu adang jouse jong aphon doh thei ahi leh ahoi’e. hinlah achonsetna ho aphondoh’a abol kit thou thou ahileh ama chu mikveh’a jucha akichoi’a kide tabang ahi kanlou tina ahi, akhut’a kon jucha chu ase lhah lou ahileh kanlou ding tina ahi.
Kabala le’atid(ma’ase): alungthim’a kisih’a hitabang hi kale bol talouding ahi tia agelding ahi, chuleh masang’a achonsetna ana bol khah aum ale nasa tah’a kisihna aneiding ahi, chuleh H-shem kom’a achonsetna chu asei’a hitabang chonsetna chu kale bol talouding ahi tia H-shem masang’a aseiding ahi.
Itabang chonsetna hochu phondoh ngai ham, chuleh kachonsetna abang kana heimil umta henlang hileh iti ding hitam?
Donbutna: Vidui kiti chu Torah akon mitzvah khat jong ahi, chuleh tzuva ding’a akeh khat jong ahi. kikhopna’a vidui kisei bou chu nganse louding eima tah injong ichonsetna ho chu kisei doh ding ahi. Zohar in hitin asei’e: kapien akon tuchan’a kachonset naho H-shem in phate cha’a ve henlang hileh eisan ponte tia gellou ding ahi ajeh chi hitabang chu H-shem ding’a hitabang hochu phoh angaipoi, iham tia achonset naho chu them khat bou ahet ahi jongleh anachonset naho dang jouse jong chun ahin juitou peh ahi.
Tsuva chu ichonsetna dalhah ding chu ahinan hijing jongleh mikhat chun tzuva anei ahileh ama leh ama injong achonsetna chu akingaidam gutding ahi. chuleh hetding khat chu Torah hin chonsetna athoidam in ahi, chonsetna len tah tah anei khah jongleh a Torah sim jal’a chu achonsetna kingaidam ding ahi.
עפ”י פסקי מרן הרב עובדיה יוסף זצ”ל