בס”ד
PARASHA: HA’AZINU
Kaparot chondaan chu iti bolding ham?
Donbutna: Erev yom kippur nikho tieng israel chate jouse chondaan in “Kaparot” akibol jie, hichu insung’a mikhat cheh in ahchal amang jiuve, hiche kibol hi thuguh lentah aum in ahi. abolding dan chu ilu(head) chu vel khum ding hiti seiding ahi: “ze khalifati, ze terumati, ze kaparati” ati ding ahi hinlah iham tia midang’a abol peh ahileh “ze khalifatekha temurotekha, kaparatekha” tia asei ding ahi. chuleh hiti chu isei phat leh lungsung kisihna nei’a sei ding ahi hiti chu nagel ahileh H-shem in nataona chu nasan peh ding ahi.
Akhen khat chondaan chun ahcha khel in ahcha man jat chu sum aheidoh jiuvin hijoh chu amang jiuve aboldan chu achung’a kisei bang’a akibol jie aban hiti aseiding ahi: “ze hakesef yilekh letzadaka, ufloni yikanes lekhayim tovim ulshalom” tia aseiding ahi.
Itabang chonsetna hochu Yom kippur kisan in angaidam lou ham?
Donbutna: Ihetsama bang uvin yom kippur leh tsuva chun eima leh H-shem kikah bou’a chonset naho chu akingaidam in hinlah isopi khat leh khat kikah chun kingaidam to na aum poi, eg aloipa thil aguh/agaosap/aseiset etc.. hitabang hochu aloipa kom’a apeh dingdol/abolding dol abol masangse’a ngaidam na changlou ding ahi.
Aloipa chun athil mang lamcha jong ahetlou hijongleh athil nalah peh chu nale peh ding aban ngaidam nakithum ding ahi.
Aloipa chu anasei set khah tah ale aloipa chun ahin ngaidam masangse’a ngaidam akithum ding ahi. chuleh naloipa chu mipi lah’a min(name) adeilou’a nakou naloipa chu mipi masang’a ima ti hih jongleh hitabang chu tol that tabang ahin ngaidam nathum ding ahi.
Naloipa sum nabat/nalah peh chu nale sah pet’a houset toh pho nakop ahileh asum le peh ding kiti chu suh bulhit jongleh chun chung’a kon ngaidam nachan lou lai ding ahi ama kom’a nathah chi’a hiti tabang chu le bol kit tapong’e nei ngaidam in nati masangse’a ngaidam nachan lou ding ahi.
עפ”י פסקי מרן הרב עובדיה יוסף זצ”ל